14:08 Ah, dünýe... | |
AH, DÜNÝE...
Ah, dünýe! Men seni nädip söýmäýin: Mähriňden ganmak ýok, Yşkyňdan doýmak. Ak gyşyň — pähimdar, Baharyň — şahyr, Aý-aýdyň gijäň — süýt, Säheriň — gaýmak. Ah, dünýe! Men seni niçik söýmäýin: Gözümde nur gögelekäm görenim, Näçe gezek kesesinden syn etdim, Kak suwuna inen süri jereniň! Ah, dünýe! Men seni niçik söýmäýin: Bu çuňňur çöketler, Bu belent daglar... Daňdan alty ganat öýüň içinde Ýagşyň sesin diňläp ýatylan çaglar! Ah, dünýe! Men seni nädip söýmäýin: Ak gar basan çöle çykarsyň awa... Bir-birini kesip geçer ýodalar, Ýer ýodaň aňyrsy obadyr oba! Tüňçäni dolduryp garyň suwundan, Owkalap-owkalap awuşan eli, Ojaryň oduna ýüzüňi çoýup, Guşdyrnak gök çaýyň içýänsiň weli — Durnaň gözi ýaly asmana garap, Duýmarsyň aýdyma hiňleneniňi. Ýagly murty sypalaplar, içiňden Rüsteme, Görogly deňleniňi. Ah, dünýe! Men seni neneň söýmäýin: Buýra saçlarymdan galmady derek. Özüň bolan bolsaň meniň ýerimde Möňňürip-möňňürip aglardyň gerek! Men seni nämüçin söýmäýin, dünýe — Sende öý tutundym, Öwzarly boldum. Enemiň ak süýdün ýere çalmadym, Atamyň ýurduna ygrarly boldum. Ýeri, seni neneň söýmäýin, dünýe: Men bäş gezek garşylap Luw ýylyny, Dadyp altmyş güýzüň naz-nygmatyndan, Ysgapdyryn altmyş ýazyň gülüni. Ýetim goýup, Gidip barýar dost-ýarlar... Hiç kimiňem baky däldigi mälim. Bu ýerde hemme zat düşnükli ahyr: Ah, dünýe! Men seni nädip söýmäýin! Berdinazar HUDAÝNAZAROW. | |
|
√ Sumbaryñ kenarynda / Goşgular - 01.01.2024 |
√ Owadan pyçak hakynda erteki / Goşgular - 09.04.2024 |
√ Yzany yşkyma ýamag etdim / Goşgular - 15.04.2024 |
√ Ajap ýaýlam / Goşgular - 15.05.2024 |
√ Rubagylar / Goşgular - 13.01.2024 |
√ Rubagylar / Goşgular - 01.01.2024 |
√ Ynanarmykan? / Goşgular - 30.01.2024 |
√ Goltugy daşly adam / Goşgular - 05.01.2024 |
√ Nar / Goşgular - 22.04.2024 |
√ «Отвергнув гордое сомненье…» / Goşgular - 29.02.2024 |
Teswirleriň ählisi: 1 | |
| |