14:00 Äht | |
ÄHT
Şäheriñ alysda, Iliñ alysda Ykbal ikimizi zyñypdyr herýan. Umytsyzlyk içre umyt gözleýäs Belent ruh agtarýas sussupeslikden. Ýogsa ýolda-yzda, Toýda-meýlisde Käte ýalñyşybam birek-birege Günde ýa günaşa duşmajagmyza Ikimizem ýüz göterim ynanýas. Ýöriteläp ýola rowan bolanda Aşylanda nije päsgelçiligi, Symrug bolup bäş ýüz ýyllyk menzili Çaý içim salymda uçup geçsek-de Köp bolsa görşeris ýylda bir gezek. Şonda-da ýeñeris haýu-höwesi, Söýgi rüstem geler şagalmeslikden... Hergiz hetdimizden aşmajagmyza Indiki duşuşjak günümize çen Birtopar ýeñlesleñ ýympyk sözüne, Ýapa degmez gybat, myjabatyna Aldyrman päkligin saklan duýgulañ Hyruç bilen urlup göwüsden göwse Bedew dek jylawna towsan gününe Hupbatly bolsa-da, Düşse-de agyr Durmuş kebzämizi etse-de ýagyr Ýa pelek öwrülip, Geçse-de döwür, Nirde gezende-de, Näm bolanda-da Hiç haçan ýitirmän saklajagmyza. Hem bu galmagaly ýetik dünýäni, Alysda-da bolsa şäher, ilimiz Bir-birekden aýry ümsümlik bilen Äht ederis taşlap gitmejegmize... Surat: Salwador Dali. | |
|
√ Är garrar... / Goşgular - 30.04.2024 |
√ Ýogaldy / Goşgular - 05.05.2024 |
√ Wiswisi lakamly obadaşymyň ömür beýany / Goşgular - 25.03.2024 |
√ Kyrk ýaşa ýeteniñde / Goşgular - 03.02.2024 |
√ Sowuk söz / Goşgular - 31.01.2024 |
√ Ýolbars we Möjek / basnýa / Goşgular - 05.01.2024 |
√ Aldawçynyñ pañ-pañy / Goşgular - 18.01.2024 |
√ Perişan kalbyñ umydy / Goşgular - 01.01.2024 |
√ Ynanarmykan? / Goşgular - 30.01.2024 |
√ Düýş hem ýagyş / Goşgular - 09.01.2024 |
Teswirleriň ählisi: 5 | |||||
| |||||