Bela uçran ejize

BELA UÇRAN EJIZE

Tragiki möňňür,
Jynssyz eňre sen!
Bela duşan başga giňlik tapmaýar.
Aksyn gözýaşlaryň, göwnüň ýeňlesin,
Göwün kemsinende gaýrat toplaýar.

Çekinme, sojama..,
Goýber agyňy,
Soňy puç dünýede aýp däl aglamak.
Içiňden örtenmek - şudur iň kyny,
Dolansoň bärligne agmaly damak.

Köşeşýänçäň agla,
Agla diňýänçäň,
Ýaşamak ýeňil däl gussaňy dökmän.
Agla gözýaşlaryň dünýä siňýänçä,
Ondan soň gaýrata galmagyň hökman.

Agy - şowsuzlygyň soňky melhemi,
Göz ýaş Haka sary akýan derýadyr.
Arşyň nepesidir ejiziň demi,
Sabyr dolar öwezine perýadyň.