17:25 Bes! - diýýär | |
BES! - DIÝÝÄR
Ýer şarynyň ähli sada ynsany, Jellat, çek eliňi, indi bes! - diýýär. Gul etmek başartmaz saňa Liwany, Eglenme-de öz ýurduňa ös! - diýýär. Aýagyna gandal uraýar ýaly, Yzladyp mal kimin süräýer ýaly, Öz erkini saňa beräýer ýaly, Araplaryň senden nirsi pes! - diýýär. Näme üçin men ýagty dünýä geldim - diýp, Açylmadyk gunça ýaly soldum - diýp, Eý waý, eje, waý, ejejan, öldüm - diýp, Eşdilmesin dat-perýatly ses - diýýär. Bet hyýally, jellat, her ýan urunýaň, Ýaragyňy gezäp nirä sürünýäň? Näme özgäň mekanynda görünýäň? Baýlygyň aşygy sen näkes! - diýýär. Zemzen ýaly haýbat atyp çişme-de, Agzyňdan ot sowup öňe süýşme-de, Beýdip, jenap, oda-köze düşmede, Ganly ädigiňi yza bas! - diýýär. Baýram JÜTDIÝEW. "Edebiýat we sungat" gazeti, 1958 ý. | |
|
√ Owadan pyçak hakynda erteki / Goşgular - 09.04.2024 |
√ Mähremlikden nyşan sen... / Goşgular - 08.05.2024 |
√ Soltan / Goşgular - 27.03.2024 |
√ Dünýe... / Goşgular - 11.02.2024 |
√ Ajap ýaýlam / Goşgular - 15.05.2024 |
√ Rubagylar / Goşgular - 13.01.2024 |
√ Göreş / Goşgular - 11.02.2024 |
√ Şert / Goşgular - 09.02.2024 |
√ Nar / Goşgular - 22.04.2024 |
√ "Ulag gidip barýar..." / Goşgular - 28.04.2024 |
Teswirleriň ählisi: 0 | |