Bilinmeli hakykat

"Watan" diyip, jigerini daglana,
"Watan" diýip, bagryn ýakyp aglana
Watan hić bir zady berenok peşgeş.
Akylyñ goýalyp, muny añarsyñ,
Añarsyñ alañsoñ ýürek agyrsyn.

Sen_ Watanyñ ogly,
Watan_señ atañ!
Watan seniñ joşan kalbyñ karary,
Watanyñ õñünde bolmaz hiç hatañ!
Ýüregiñ õýjügine siñdirersiñ sen,
Watana ýapyşjak bolýan garany,
Ykbalyñy sen õmürlik baglarsyñ
Õz wepañdan õzüñ tapyp teselli,
Aglany diñdirip, õzüñ aglarsyñ
Oñ derdini alyp borsuñ keselli.
Watan razy bolsa gerçek merdinden,
Enäñ gõzlerinde duşup şatlyga
Sen şatlyk taparsyñ çekýän derdiñden.
Geliñ, boýun alyñ,
Biziñ durmuşymyz aýdym däl diñe,
Gygyryp ýõrer ýaly zowwamdan-zowwam.
Watanyñ has ýagty geljegi üçin
Ýeñişli ýolumyz edýärkä dowam,
Känkä entek-entek dünýä ýüzünde
Çõzülmesi çetin müñlerçe sowal,
Gerekmikä bagtdan çaksyz melullyk,
Bar wagty dünýäde entek melgunlyk,
Ýok entek-entekler esger bolmaly,
Bilegñe, biliñe, baldyrlaryña,
Beýniñe mazaly agram salmaly.

Watan hiç bir zady berenok wada,
Ýõne Watan diýse,
Diýse eger: "Ur sen õzüñi oda",
Sen õzüñi ýakyp,
Õmrüñi ýakyp,
Bu eziz Watanyñ ynamyn õde,
Bu Watan ogluna ýeke-täk kada!
Ýene-de bir zady sal mydam ýada,
Õz bähbidiñ üçin Watanyñ adyn
Ulanmaga eger ýok seniñ hakyñ.
Õz borjuñy berjaý edeniñ üćin
Saña diñe bir zat berýändir Watan:
Rahatlyk berýär iñ soñky demde
Gõwüñe giñlik berýär
iñ soñky ýola gideñde.

Orazguly Annaýew
Türkmenistanyñ halk ýazyjysy