Bolarsyñ

BOLARSYÑ

Özüň öwseň ile “Belki?!” bolarsyň,
Has dogrusy köpräk gülki bolarsyň,
Aga gara, çyn garada ak diýseň,
Özüň deý kişileň mülki bolarsyň.

Päk sakla ýüregiň dörtden birini,
Başarsaň tämizle hemme ýerini,
Syla her wagt döken alyn deriňi,
Ýogsa sözde iň pes adam bolarsyň.

Adalaty ilki özüňde gözle,
Öläýjek bolsaň-da sen dogry sözle,
Ýagşyn görseň mydam ýamanyn gizle,
Dogryny gözleden biri bolarsyň.

Eýe çyk sen her bir dogry aýdana,
Namart diýler öz ýolundan gaýdana,
Erk etmegi başar asla ýaýdanma,
Başarsaň öz nebsiň piri bolarsyň.

Dünýäde namysly-arly ýaşasaň,
Panyda gowulyk başyn başlasaň,
Gowy bolup ýamanlygy taşlasaň,
Ölseňde elmydam diri bolarsyň.

Sylagyn sen ilki bilen özüňi,
Ejiz görseň sen çöwürme ýüzüňi,
Asla hor görmegin ýönekeý çöpi,
Düşse kör edýändir gören gözüňi.

Aýlara ATAJANOWA.