11:44 Çingiz hanyñ gazany | |
Çingiz hanyñ gazany
"Heý-jan! Heý-jan! - Gaýna, lakyrda! Gaýnaryña garaşýar Jenap bokurdak! Eýläk-beýläk! - Saga hem sola Düzülip aýlansañ ýene üç ýola, Baýtallañ butlary pagta deý bişer, Sürüden gymyzam gelip ýetişer! Bol-ha! Bol-ha! Aýlan, eý aýlan! Tiziräk bişir-de, Gazany düşür-de, Ýene-de ýoluña, söweşe şaýlan! Almasañ gazandan üleşiñ-paýyñ, Dartylmaz söweşde señ çeýe ýaýyñ! Bol-ha! Bol-ha! Gaýna, lakyrda! Gaýnaryña garaşýar Jenap bokurdak!" ...Asyrlañ astynda, Baýyrlañ üstünde Atlar kişñeýär, - Aşpezler gyssanýar Gazana ot salýar, Ot salýar, ýöne... Nämüçin, nämüçin gazan bişmeýär? Asyrlañ astynda, Baýyrlañ üstünde bişmeýän gazan, Şol soñsuz tüsseläp, düşmeýän gazan, Gadymy hanlaryñ soñky gazany, - Taryhda galypdyr ýalñyz gazaryp! Kyrk gulak gazany muzeýde gördüm, Hanlañ işdäsine añk bolup durdum, - Gazanyñ agzy-da howuz ýalydy, Gulagnyñ her birem doñuz ýalydy! Egildim içine, pitikläp misin. Hem şonda eşitdim aşpeziñ sesin: "Heý-jan! Heý-jan! Gaýna, lakyrda! Gaýnaryña garaşýar jenap bokurdak!"... Saýn-Şand ş. Mongoliýa, 1972 Annaberdi Agabaýew. | |
|
√ "Ulag gidip barýar..." / Goşgular - 28.04.2024 |
√ Nokat / Goşgular - 28.01.2024 |
√ Kyrk ýaşa ýeteniñde / Goşgular - 03.02.2024 |
√ Aýandyr bary / Goşgular - 17.05.2024 |
√ Hakyky şahyr / Goşgular - 08.05.2024 |
√ Ömrümiñ manysy bolmaly zenan / Goşgular - 05.02.2024 |
√ "Garrap ýörünmi ýa men..." / Goşgular - 01.01.2024 |
√ Жизнь / Goşgular - 29.02.2024 |
√ Är garrar... / Goşgular - 30.04.2024 |
√ Aldawçynyñ pañ-pañy / Goşgular - 18.01.2024 |
Teswirleriň ählisi: 7 | |||||||
| |||||||