Durna

Näme boldy, otyrsyñ sen uçañok?-
Gursagyñda peýkamy bar pelegiñ
Ganatlarñy, ganatlarñy açañok,
Elwan gana bulanypdyr ýelegiñ,
Bu ne ykbal eleginde elenen?!

Gõzüñ gamly-nirde seniñ sõýläniñ
Dañlar owaz etdiñ, ne bor õýläniñ.
Arkaña alypsyñ täleý ýüküñi
Onsoñ bu derdiñe neneñ kõýmäýin,
Señki deý halymy duýmaz sõýlänim.

Suwa tarap boýnuñ burup seredýäñ,
Gõzüñ bilen giñ dünýäni eredýäñ.
Gõm-gõk kõlem dymyp otyr,
Ne boldy?!
Kalbyma salyplar hijran hesretin,
Guş, meniñ ýüzümem señki deý soldy.

Puç çykdymy dünýä bolan yhlasyñ,
Umytsyzlyk erbet eken ol hasam,
Sensiz bu ýollary geler basmasym
Wah, şu wagt uçuryp bolsady seni,
Tapylardy pynhan derdimiñ emi.

Eý, kõl, nämä dymýañ, tolkun at ahyr,
Damjalaryñ uçgun bolup syçrasyn.
Men seniñ alnyñda bir şahyr Zahyr
Eý, guşum, sen kän dertlere uçradyñ,
Hany, durnam?!
Tapman...
ah, ol men ahyr.

Oguljemal Çaryýewa