Eksperiment

EKSPERIMENT

Ýel ugrunda iñläp ýatyr surnaýlar,
Hyllyk akan dodaklaryñ ýanynda.
Sogrulypdyr gil-gilleri kernaýlañ,
Des-derek galmandyr perde sanynda.

Gaharsyz galypdyr gaharly dünýe,
"Rahatlyk" alnypdyr goşa dyrnaga.
Mundan mejalsyzlyk ruhy görünýä,
Howsalalar ejir berýär durnyga.

Gar ýagypdyr çigildemleñ üstüne,
Mahirsiz ykballañ ýylylygy ýok.
Şer bilen nebisi düş:äp astyna,
Durmuş hiçem gamlanmagy bilenok.

***

Durmuş hiçem gamlanmagy bilenok,
Şer bilen nebisi düşäp astyna.
Mähirsiz ykballañ ýylylygy ýok,
Gar ýagypdyr çigildemleñ üstüne.

Howsalalar ejir berýär durnuga,
Mundan mejalsyzlyk ruhy görünýä.
"Rahatlyk" alnypdyr goşa dyrnaga,
Gaharsyz galypdyr gaharly dünýe.

Des-derek galmandyr perde sanynda,
Sogrulypdyr gil-gilleri kernaýlañ.
Hyllyk akan dodaklaryñ ýanynda,
Ýel ugruna iñlap ýatyr surnaýlar.

Laçyn ÖWEZOWA.