16:05 Elweranyñ aýdymlary | |
Annasoltan KEKILOWA
▶ Elweranyň aýdymlary Bir zatlar gynaýar meniň ýüregmi, Hiç gelip bilemok belli karara. Kalbymda lowlaýan düşnüksiz ýalyn Aýlaýar ýaş başym biderek ýere. Kesek bolsa çar tarapdan ýagyp dur, Ýa-da bular görünýärmi gözüme... Ah, gardaşym, hopugýaryn gijeler, Göz ýetirip bilmän özüm-özüme. Aklym diýýär maňa: - Samsyjak gözel, Gör ömrüňden hoşal ahyr Aý-Günem. Kaýyl bol-da bu durmuşyň emrine, Boluşyna görä ýaşaber senem. Ýürek diýýär: - Bolmasady hyjuwlar, Onda kyn düşmezdi beýdip gün görmek. Bolmaz ahyr hak aýdymlaň deregne Agzyňa geleniň şagladyp ýörmek. Ine, şeýdip aklym bilen ýüregim Aýra düşüp barýar biri-birinden. Ajal bolsa somlap elhenç penjesin, Jan gardaşym, elin üzenok menden! Kesek diýseň çar tarapdan ýagyp dur, Ýa-da bular görünýärmi gözüme. Kimkäm men? Nämekä isleýän zadym, Düşünip bilemok özüm-özüme. | |
|
√ Gökdepäm / Goşgular - 22.03.2024 |
√ Nädip ýaşamaly?! / Goşgular - 13.01.2024 |
√ Perişan kalbyñ umydy / Goşgular - 01.01.2024 |
√ Mürze ýigit / Goşgular - 12.03.2024 |
√ Kyrk ýaşa ýeteniñde / Goşgular - 03.02.2024 |
√ At galar / Goşgular - 11.02.2024 |
√ Moskwadan görýärler / Goşgular - 30.01.2024 |
√ Alabahar / Goşgular - 21.03.2024 |
√ "At bilen kowalap gördüler ony..." / Goşgular - 01.01.2024 |
√ Gije hem gündiz / Goşgular - 07.02.2024 |
Teswirleriň ählisi: 0 | |