Ene toprak

ENE TOPRAK

Watan, seniñ toýlaryñy toýladym,
Daglaryñda, ýaýlalañda oýnadym,
Ýazlaryñda ýaýnap, unudan özüm.
Öwrenýärin daglaryñy, düzüñi
Hemem öñe sary urýaryn gadam.

Watan, seniñ ýazlaryñda aşyk men,
Seniñ baharyñdan aldym badalga.
Dereleñden, gollaryñdan aşyp men,
Ýaşyl Baýdagyñy berk tutup golda.
Menzil aşýan, gör-ä, ýolda men, ýolda.

Watan, jana şypa saba ýelleriñ,
Peder mähri siñen topragyñ tereñ.
Gözüm nury ak altynly pelleriñ,
Artyp barýar sende ynsan sarpasy,
Çünki ozalbaşdan zähmetkeş adam ~
Dünýä döräp sende bolandyr kerem.

Watan, daglañ görki ýaşyl arçasy,
Dereleñ bezegi adaty hozlar.
Menem bu topragyñ ülşi-parçasy,
Gyzyljaryñ täsinligin nazarlap,
Seýrana çykypdyr owadan gyzlar.

Watan, giñ dünýäniñ keremi sende,
Menzile ýetirýän ýollarña gurban.
Ýol aşdym daglañda, däli ummanda,
Ykbal emri bilen dagda-düzlerde,
Gujagyñda şirin janyn gaýgyrman,
Zähmet çekýänlere, der dökýänlere,
Eždatlardan miras topragyñ derman.

Abdylhalyk JUMADOW.