01:39 Goşgy diýip bolarmy?! | |
GOŞGY DIÝIP BOLARMY?!
Daşyndan synlanda görünse içi, Heý, oña-da goşgy diýip bolarmy?! Başy dag deý, göwni bolmasa kiçi, Heý, oña-da goşgy diýip bolarmy?! Bir gezek okanda düşünse hemme, Diýmese "Şahyr jan, gaýtala ýene", Titredip, sowuklyk girmese tene, Heý, oña-da goşgy diýip bolarmy?! Ýatlatsa ullakan jansyz göwräni, Geçip gitse ak-garany görmäni, Wasp etmese bu bagtyýar döwrany, Heý, oña-da goşgy diýip bolarmy?! Getirmese säheriñ sermaýasyn, Ýa-da aşyklara yşkyñ saýasyn, Ýadyña salmasa ylham ýaýlasyn, Heý, oña-da goşgy diýip bolarmy?! Daşdan düşünmedik girsin törüne, Söýgi tapsyn her kişi öz kärine, Diýýänlerim bolmasa-da bor, ýöne... Heý, oña-da goşgy diýip bolarmy?! Ýalñyşyny boýun alan çyn ärdir, Ejizlän ýerlerim ýürek duýýandyr, Goşgularym azdyr, setirlem kändir, Heý, oña-da goşgy diýip bolarmy?! Seýli HUDAÝNAZAROW, TGM-niñ Harby-deñiz institutynyñ harby talyplar okuw rotasynyñ wzwod serkerdesi, leýtenant. | |
|
√ Salam, Türkmenistan! / Goşgular - 01.01.2024 |
√ "Garrap ýörünmi ýa men..." / Goşgular - 01.01.2024 |
√ Yzany yşkyma ýamag etdim / Goşgular - 15.04.2024 |
√ Goltugy daşly adam / Goşgular - 05.01.2024 |
√ Suwdan ot çykaran goşgy / Goşgular - 31.01.2024 |
√ Ajap ýaýlam / Goşgular - 15.05.2024 |
√ "Gelin jan..." / Goşgular - 26.03.2024 |
√ Meniñ monologym / Goşgular - 01.01.2024 |
√ Rubagylar / Goşgular - 13.01.2024 |
√ Moskwadan görýärler / Goşgular - 30.01.2024 |
Teswirleriň ählisi: 0 | |