12:27 Gözel Aýdere | |
GÖZEL AÝDERE
Göge başyn dirär hozy, çynary, Lezzet berer jana injiri, nary, Ýyl boýy bol biter ir-iýmiş bary, Naz-nygmata baýdyr gözel, Aýdere. Çekipdir daşyna kemerli dagy, Saýalary salkyn sapaly çagy, Gözellikden püre-pürdir gujagy, Erem baglaryna taýdyr Aýdere. Käkilik saýrasa goşa saz bolar, Bilbil gonsa baglarynda ýaz bolar, Sumbarynda ördek bolar, gaz bolar, Ne sapaly ajap jaýdyr Aýdere. Daglaryna çyksañ kyndyr düşmesi, Şyrlap akar älemgoşar çeşmesi, Gözelleriniñ täsin näz-kereşmesi, Görkanadyr, misli aýdyr, Aýdere. Göz guwanjym Pyragynyñ mekany, Gözel Sumbar bezäp dur gül ýakañy, Egsilmez, sowulmaz bazar dükany, Goýnuñ aýdym-sazly toýdur, Aýdere. Gurbanmuhammet NURYÝEW. | |
|
√ Owadan pyçak hakynda erteki / Goşgular - 09.04.2024 |
√ Är garrar... / Goşgular - 30.04.2024 |
√ Tazy / Goşgular - 30.01.2024 |
√ Ynanarmykan? / Goşgular - 30.01.2024 |
√ Ýogaldy / Goşgular - 05.05.2024 |
√ Tilki bilen üzüm / basnýa / Goşgular - 10.01.2024 |
√ Ajap ýaýlam / Goşgular - 15.05.2024 |
√ Gowy görülen goşgy / Goşgular - 05.01.2024 |
√ Lenç edilen nakyl / Goşgular - 05.02.2024 |
√ Bagyşla! / Goşgular - 01.01.2024 |
Teswirleriň ählisi: 0 | |