10:56 Gözlerime ilmersiň | |
***
Menem bir gün seniň ýaly bolaryn, Özüň idemeseň idäbem durman, Özge birniň gözlerine dolaryn, Onsoň ölüp-öçüp küýsäbem durman. Şondan soňra özüňe-de belli bor, Nä hyýalda gezdireniň aý-günläp, Zada garaýşyň-da telli-pelli bor, Ýörersiň myş-myşly gürrüňler diňläp. Göwnüňe-de geler her hili zatlar, Üýtgän ýaly bolar adamlaň bolşy, Ýadyňa-da düşer kän zat, kän atlar. Tersleşen ýaly bor Aý, Günüň dogşy. Illeriňem saňa nebsi agyrmaz, Duýan bolmaz dünýä sygman ýörşüňi, Halyň niçik diýip hiç kim çagyrmaz, Bilen bolmaz aglap jiger ýarşyňy. Ýüregiň agyrly gezersiň mydam, Lukmanlara ýüz tutubam bilmersiň. Delmuryp çar-ýana goýaňda gadam, Senem meniň gözlerime ilmersiň. | |
|
√ Ajap ýaýlam / Goşgular - 15.05.2024 |
√ Erjellik / Goşgular - 05.01.2024 |
√ Lenç edilen nakyl / Goşgular - 05.02.2024 |
√ Tilki bilen üzüm / basnýa / Goşgular - 10.01.2024 |
√ Moskwadan görýärler / Goşgular - 30.01.2024 |
√ Жизнь / Goşgular - 29.02.2024 |
√ Käbir aýallara melek diýýäñiz / Goşgular - 04.02.2024 |
√ Gije hem gündiz / Goşgular - 07.02.2024 |
√ Ýolbars we Möjek / basnýa / Goşgular - 05.01.2024 |
√ Bagyşla! / Goşgular - 01.01.2024 |
Teswirleriň ählisi: 1 | ||
| ||