14:16 It | |
IT
Ol ak tüýli, diýseň gowja güjükdi, Bantigi-de bardy akja esgiden. Arman, onuň akja ýüzi öçükdi, Arman, üýrmeýärdi güjük Moska deý. Iýilende ertir, agşamlyk şamy, Boýnun burup, sessiz emenenokdy. Ýokdy janaweriň damarda gany, Aslynda, ol itiň damary ýokdy. Şagalaňly köçelerde ykmady, Tekjäniň üstünde geçdi her güni, Oň iýmiti üçin ýal gerkmedi, Puluň özi bilen bakdylar ony. Bedasyl pişigiň berýän kötegne Gulajygyn sallap, çydam edýärdi, Işi — hojaýynyň berýän köpügni Agyz däl-de, ýeňse bilen ýuwdýardy. Onuň bolsa, özge itler mysaly, Üýresi gelýärdi uzyndan-uzyn. Oň hyýaly — ähli itleň hyýaly — Itiň güni diýseler-de, örän kyn. Oýun. Ygmak. Söýmek. Undup bar zady, Adam nebsin saklan bir betbagt itdi. Ol öz täleýinden şeýle närzady, — Tas jansyz halyna ýöräp gidipdi. ...Köçede keýp bilen it üýrse batly, Onuň daş ýüregin oda daglardy; «Üýrüber, doganym, sen örän bagtly, Üýrüber, doganym!» diýip aglardy. Gurbannazar EZIZOW. | |
|
√ Was-wasylara... / Goşgular - 23.01.2024 |
√ Ömrümiñ manysy bolmaly zenan / Goşgular - 05.02.2024 |
√ "Garrap ýörünmi ýa men..." / Goşgular - 01.01.2024 |
√ Kyrk ýaşa ýeteniñde / Goşgular - 03.02.2024 |
√ "Gitdim senden ilerledip ümzügi..." / Goşgular - 01.01.2024 |
√ Atsyz goşgy / Goşgular - 31.01.2024 |
√ Düýş hem ýagyş / Goşgular - 09.01.2024 |
√ Yzany yşkyma ýamag etdim / Goşgular - 15.04.2024 |
√ Hakyky şahyr / Goşgular - 08.05.2024 |
√ Owadan pyçak hakynda erteki / Goşgular - 09.04.2024 |
Teswirleriň ählisi: 0 | |