Köñül owazy

KÖÑÜL OWAZY

Akja patrak bolup duran erikler,
Eje, ýylgyrşyňy ýadyma saldy.
Gülleň durşy ýaýlama görk beripler,
Eje, ýylgyrşyňy ýadyma saldy.

Gülälekler çaýkanyp dur eý, aman,
Durşy geň olaryň gögi boýaman.
Ala bahar – dünýä çeçek gaýaýan —
Eje, ýylgyrşyňy ýadyma saldy.

Garlar – daglaň başa oran çeşmesi,
Çözlenip gaýdanda näz-kereşmesi,
Jümjümeleň täsin ülpüldeşmesi,
Eje, ýylgyrşyňy ýadyma saldy.

Eredibän galan garyn bu gyşlaň,
Ylla bägül bolup gaýdan arşdan.
Yňdyrylyp gelýän akja ýagyşlar,
Eje, ýylgyrşyňy ýadyma saldy.

Seÿran SEŸITMÄMMEDOW.