Köpüñ biri

Ylýas Amangeldi

▶ KÖPÜŇ BIRI

Köpüň biri bolsadym,
Aýagma basmasalar.
Bir süýji dilli bolsadym,
Üzüm deý asmasalar.
Gökden damja deý damsam,
Saýwana urulmasadym.
Yzymdan edilip ham-sam,
Gaýbana urulmasadym.
Gömseler ýerden çyksadym,
Ýüregim ak kömelek.
Atylsam ganym çykmasa,
Bolsadym ak kebelek.
Dünýä menek-menek,
nirdesiň melek?
Bu panyň özi duzak,
duzaklar gurulmasady,
Öňe düşen imanlydan,
uzakda durulmasady.
Oklansam, ýollara daş bolsam,
Daşlara syrdaş bolsam,
Sogap iş elimden gelmez-
Günäden bir daş bolsam.
Goý, köpüň biri bolaýyn,
Aýagyma basyň, basyň.
Men bir süýji dilli bolaýyn,
Soň isleseňiz asyň.