KÜRTE
Giden bir dünýäni bagtyna çoýyp,
Gyzlyk dünýäsini uzakda goýup,
Mukaddes ojagy bagtyna saýyp,
Şaňňyrdaýar täze gelinleň kürtesi.
Ol kürtede balalarmyň bagty bar,
Arassa päk kalply, altyn tagty bar,
Kerem-keramat bar, mähir, ýagty bar,
Şaňňyrdaýar täze gelinleň kürtesi.
Ol kürteler owazlanýar, ýaňlanyp,
Gudratyna maýyl bolýan hiňlenip,
Şabram şelpe şöhle sacýar nur bolup,
Şaňňyrdaýar täze gelniň kürtesi.
Lowurdaýar täze dogan Aý bolup,
Biri nurun çaýýar, oňa taý bolup,
Alnymyzdan ak gün dogdy çog bolup,
Şaňňyrdaýar täze gelinleň kürtesi.
Altyn BAÝRAMDURDYÝEWA.