Küýseg

ENWER NYZAMOW

▶ "KÜÝSEG"

Meň küýsegim şo-ol şygyrly gözýetim,
Sebäp oňa hiç kim baryp bilenok.
(Golaýlaşdygyňça, ol aňryk barýar)
Onuň öz asmany, öz giň dünýäsi,
durnasy hem suwly ýürejigi bar.

Ýadadanok, asla ardyranogam,
Ony durmuş, adam aladalary.
Men şygyr ýazýaryn oň gözlerinde,
Kirpigime daňyp ala daňlary.

Gabanyp, ejizläp ýöränok, ýöne
Käte öz-özüni içine ýuwdup,
Gara bulutlary örtüp üstüne,
Bu dözümsiz bagta aglaýar sessiz.
Aglaýar, adamlar öz işi bile
aňmaýa. Gözýetim sessiz aglaýa…