Mansuryñ men...

MANSURYŇ MEN...

Mansuryň men,
seni duýýan özümde,
Men sen bolup galpyldaýan enaýy.
Bu duýgyny düşündirmek mümkin däl,
Garyp eken dünýä diliniň baýy.

Öňki meňzetmeler ýitirdi güýjin,
Ylymlar ysgyndan gaçyp gutuldy.
Melgun bilen jedel etdim sen hakda,
Utuldy.

Ýusubyň men,
jemalyma bakmazmyň,
Duýgularym saňa baky azykdyr.
Pikirlermiň süýjüligni bilýäňmi,
Sapma bag deý, olar birçak azypdyr.

Pyragyň men,
diňe seň Magtymgulyň,
Isle "Ýeseninim!" diýip tut adym.
Şolar bilen ýüzüm ýapyp, söýgüle,
bolup başarmasam Seýitmyradyň.

Seýitmyrat Geldiýew.