05:53 Goşgular | |
▶ SESSIZ UMYT
Agladyň sen sessiz , asla bildirmän, Salgadyň eliňi soňky gezekde. Seni maňa bermediler näm üçin, Ýa sen islemediň bile gezip-de ?! Özüňi bagş etdiň özgäň gujagna, Aýtsana, men sensiz nädip ýaşaryn; Sendiň meniň ýaşaýşymyň sebäbi, Sendiň meniň bu dünýedäki barym. Meni aldanyňa aglansyň, belki, Diýensiň: "... aldaman hiçkimi gaýdyp". ...Men henizem saňa garaşyp ýörün, Ýylgyryp, ýanyma gelersiň öýdüp. ▶ OBAM Tarypyň sözlesem düzlere çykyp, Tarypyňa ýetebilmerin obam. Gezsem-de men, seň goýnuňda der döküp, Seň goýnuňdan gidebilmerin obam. Eşdiler owazy gyjak-dutaryň, Gysganmaz, eçiler ol elde baryn, Gelseň aýlanmaga, sorar ahwalyň, Hödür eder: almadyr-naryn obam. Gyşyň garlarynyň, ýazyň ýagşynyň, Säba säher Gün ýaldyrap dogşunyň, Perzentleriň ha:la salan nagşynyň, Bolaýyn men, seniň, gurbanyň obam. Merdan BABAÝEW. | |
|
√ Geçmişden bir ahwal ýa-da Sanjar hekaýaty / Goşgular - 17.05.2024 |
√ Gowy görülen goşgy / Goşgular - 05.01.2024 |
√ «Превратила всё в шутку сначала…» / Goşgular - 29.02.2024 |
√ "Garrap ýörünmi ýa men..." / Goşgular - 01.01.2024 |
√ "Ulag gidip barýar..." / Goşgular - 28.04.2024 |
√ Ömrümiñ manysy bolmaly zenan / Goşgular - 05.02.2024 |
√ Nokat / Goşgular - 28.01.2024 |
√ Käbir aýallara melek diýýäñiz / Goşgular - 04.02.2024 |
√ At galar / Goşgular - 11.02.2024 |
√ Sumbaryñ kenarynda / Goşgular - 01.01.2024 |
Teswirleriň ählisi: 3 | ||||
| ||||