Ömrümiñ manysy bolmaly zenan

"ÖMRÜMIÑ MANYSY BOLMALY ZENAN..."

Ömrümiň manysy bolmaly zenan,
Deňziň kenarynda ýalňyz gezip ýör.
Säherler asmana ýazylsa duman,
Armanyny ap-ak çägä ýazyp ýör.

Adamlaň şowhuny parhyna däl oň,
Ünsüni bölenok çaga gülküsi,
Ýogsa menden başga derdi hem kän oň,
Ýetik aladasy, gaýgy-ünjüsi.

Emma bir gyrada özüni saklap,
Tolkunlara bakyp gözlerin süzýär.
Hyýalynda şol oglany gujaklap,
Ajy ýaşlar bilen çekmeýär azar.

A kenarda goýalyşyp ak duman,
Ýitip barýar bir ömrüme deñ zenan.

Sylapberdi Muhamow.