22:24 Onuñ ady kimkä? | |
ONUÑ ADY KIMKÄ?
Şatlygyma şärik, Gaýgyma şärik, Garrylygym bilen ýaşlygma şärik Boljak gyz nirdekä? Duşarka haçan? Onuň ady kimkä? Nämekä käri? Belki-de, ol gyzy gören däldirin, Belki-de, ol çykandyram öňümden. Ýa-da ýalňyz sözi aýtmaly wagty Uýaljyrap geçendirin deňinden. Ýöne meni söýjek şeýleräk gyzdyr: Guwanç bilen bakýandyrlar yzyndan. Şonda kä kişiler çümüp hyýala, Närazy bolýandyr ogul-gyzyndan. Mydam dişleýändir gijeýän dilin Meni söýjek gyzy gören kelçikler. "Şeýle gyz ogluňa bolaýsa gelin" — Arzuwyn edýändir gelin aljaklar. Meni söýjek gyzyň owadanlygy Iliňkiden artyk ýa pesem däldir. Kä oglanlar oňa "Owadan" diýse, Käbiri diýýändir: "Beýle gyz kändir". Şatlygyma şärik, Gaýgyma şärik, Garrylygym bilen ýaşlygma şärik Boljak gyz nirdekä? Duşarka haçan? Onuň ady kimkä? Nämekä käri? Gurbanýaz DAŞGYNOW. | |
|
√ "Bagşylara" / Goşgular - 07.02.2024 |
√ Жизнь / Goşgular - 29.02.2024 |
√ Çarwa arabyñ söýgüsi / Goşgular - 10.02.2024 |
√ Perişan kalbyñ umydy / Goşgular - 01.01.2024 |
√ Kyrk ýaşa ýeteniñde / Goşgular - 03.02.2024 |
√ Ýogaldy / Goşgular - 05.05.2024 |
√ Gökdepäm / Goşgular - 22.03.2024 |
√ At galar / Goşgular - 11.02.2024 |
√ Erjellik / Goşgular - 05.01.2024 |
√ Göreş / Goşgular - 11.02.2024 |
Teswirleriň ählisi: 0 | |