06:42 Saña nä... | |
Gaýgysyz ABDAL
▶ SAÑA NÄ?!. Adamy palçykdan ýugrup-ýasadyñ, Ýasap näme edersiñ, mundan saña nä?! Halk etdiñ ynsany, jahana saldyñ, Saldyñ-da neýlärsiñ, mundan saña nä?! Bakgalmy sen, terezini neýlärsiñ, Işiñ-güýjüñ ýokdur, göwün eglärsiñ. Guluñ günäsini çekip neýlärsiñ, Geçiber günäsin, mundan sañä nä?! Katran * gazanyny döküber gitsin, Mömin bolan gullar didara ýetsin, Perman ber, ýylana tamugy ** ýuwtsyn, Söndür şu ataşy, mundan saña nä?! Sepil düşdim, bu älemde naçar *** men, Gyldan köpri ýaradypsyñ, geçer men. Eger geçip bilmesemem uçar men, Geçir gullaryñy, mundan saña nä?! Gaýgysyz Abdal diýr, Jennet ýaratdyñ, Jähenneme niçe gullary atdyñ. Niçeleri yşkyñ oduna ýakdyñ, Ýakyp-da neýlärsiñ, mundan saña nä?! ♧ Düşündirişli sözlük: Katran * - garaýag. Tamug ** - dowzahda bir ýer. Naçar *** - bu ýerde bialaç manyda. | |
|
√ "Gitdim senden ilerledip ümzügi..." / Goşgular - 01.01.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Aldawçynyñ pañ-pañy / Goşgular - 18.01.2024 |
√ Puluň başarnygy barada agymtyl goşgy / Goşgular - 10.01.2024 |
√ Sokrat / Goşgular - 16.05.2024 |
√ Erjellik / Goşgular - 05.01.2024 |
√ Suwdan ot çykaran goşgy / Goşgular - 31.01.2024 |
√ Konfusiý / Goşgular - 13.05.2024 |
√ Sumbaryñ kenarynda / Goşgular - 01.01.2024 |
√ Nar / Goşgular - 22.04.2024 |
Teswirleriň ählisi: 0 | |