19:50 Sensiz günler | |
SENSIZ GÜNLER
Gussadan don geýen agras pikirleň Yzy ýok diýmeseň, hiç zat üýtgänok. Kerwen günleň çep gursakda göterlen Közi ýok diýmeseň, hiç zat üýtgänok. Çykyp senli günleň ýatlamasyndan, Nädeýin, yşk ykbalymdan asylsa. Öňküsi deý aýlanyp dur pasyllar, Ýazy ýok diýmeseň, hiç zat üýtgänok. Aýralygyň tygy ursa-da şine, Ne-hä garaşmak bar, ne-de bar kine. Günleriň ysgynsyz heňi bar, ýöne Sazy ýok diýmeseň, hiç zat üýtgänok. Gör, henizem öňkim ýaly söýýärin, Çünki sowulmaýar söýgiň eýýamy. «Dünýäm» ýok, «Janym» ýok, Hem şol «Dünýäniň» Özi ýok diýmeseň, hiç zat üýtgänok. Birsydyrgyn däldir ýaşlygam, näme? Islesem, didämi ýaşlaýan, näme? Ýaşaýan. Ýaşajak. Ýaşaman näme? Duzy ýok diýmeseň, hiç zat üýtgänok. Agageldi ITALMAZOW. | |
|
√ Düýş hem ýagyş / Goşgular - 09.01.2024 |
√ Käbir aýallara melek diýýäñiz / Goşgular - 04.02.2024 |
√ Dostluk hakda / Goşgular - 18.02.2024 |
√ Ajap ýaýlam / Goşgular - 15.05.2024 |
√ Salam, Türkmenistan! / Goşgular - 01.01.2024 |
√ Lenç edilen nakyl / Goşgular - 05.02.2024 |
√ Içgepletme / Goşgular - 12.05.2024 |
√ Wiswisi lakamly obadaşymyň ömür beýany / Goşgular - 25.03.2024 |
√ Sumbaryñ kenarynda / Goşgular - 01.01.2024 |
√ Kyrk ýaşa ýüzlenme / Goşgular - 03.02.2024 |
Teswirleriň ählisi: 0 | |