Terjimehal

Terjimehala

Ýaşadykça uzar terjimehalyň,
Men näme ýazaryn ömür beýdime.
Günleriň şowhuny ýeňletmez halyň,
Şygyr ýazyp, ýaşap bolmaz beýdibem.

Bilýän, ömre mazmun goşmadygymy,
Ýaşap ýörendigmi gözlere damman.
Maňa ynam edip ýalňyşmadyňmy
Maňlaýa ýazgydym ýazaňda Allam?!

Pikirlerden özge ýer ýok gidere,
Bu göwräni ýükçi kimin daşadym.
Men özümi toplap bilmän bir ýere,
Tutuş ömri bölek-büçek ýaşadym.

Indem bakyp bilmän gözgyny ha:la,
Ony öz adymdan öçüräýmesem.
Men näme ýazaýyn terjimehala,
Ýazan şygyrlarmy göçüräýmesem.

Goçmyrat Orazberdiýew