Tilki bilen üzüm / basnýa

TILKI BILEN ÜZÜM

Baga girdi aw agtarýan aç Tilki:
Sallanşyp görünýär salkym üzümler.
Tilkiniň gözlişi, ymsynyşy gülki:
Ýakut deý şireli düzüm üzümler.
Ýaman ýeri, asylşyp dur asmanda:
Ýetip biljek däl towsup zyňanda.
Gözi onuň görse-de,
Dişi ýetmeýeär eýse-de.
Bir sagatlap nähak ýere urundy.
Ondan soňra ýöräp, diýdi naýynjar:
"Päheý, ozal oňat bolup göründi:
Göm-gök olar, heniz oňly bişmändir:
Iýseň, derrew dişleriňi gamaşdyr."

Iwan KRYLOW.

Terjime eden Berdi KERBABAÝEW.