10:05 Ýagyş | |
ÝAGYŞ
Ýagyş damja-damja dol ýüregime Kükesin ruhumda uçmahyň ysy. Ýag sen, zerre-zerre syl yüregimi, Açylsyn gubarlan göwnümiň posy. Asmandan reňk alan pikirlem, belki, Seniň güwäligiň bilen aklanar ... Çyrmaşyklar basan tozanly ýollar Her damanda kir-kimirden saplanar ... Süýji suwa teşne bolýa ummanam Şor tolkunlar ugratsa-da kenara ... Gandyr suwsuzlygym bir saňa aýan! Umman gomda tussag bolsa ne çäre !? Eý gamly buludyň nury didesi! Inçelýär umydym, bahary buşla. Хабар ýokmy azatlygyň paslyndan? Dam sen, solan arzuwlarym nagyşla ... Zemine Gökleriň salamyn paýlap, Ýag, dowamat tapsyn juwan ömürler! Ýag, owarra bolsun gözýetimlerden, Peläket sawçysy betpäl ümürler ... © Taýmaz SEÝIDOW. | |
|
√ Nädip ýaşamaly?! / Goşgular - 13.01.2024 |
√ Alla dälmidir / Goşgular - 16.05.2024 |
√ Lenç edilen nakyl / Goşgular - 05.02.2024 |
√ Atsyz goşgy / Goşgular - 31.01.2024 |
√ Perişan kalbyñ umydy / Goşgular - 01.01.2024 |
√ "Gitdim senden ilerledip ümzügi..." / Goşgular - 01.01.2024 |
√ Sokrat / Goşgular - 16.05.2024 |
√ Mähremlikden nyşan sen... / Goşgular - 08.05.2024 |
√ Ýolbars we Möjek / basnýa / Goşgular - 05.01.2024 |
√ Är garrar... / Goşgular - 30.04.2024 |
Teswirleriň ählisi: 0 | |