18:27 Ýeňles aýdymlar | |
ÝEÑLES AÝDYMLAR
Bu ýeňles aýdymlar kalby suwarmaz, Ornaşardan has edepli jahanda. Olar daýhan bilen ak bugdaý ormaz, Köşeşdirmez şowsuzlyklar ýakanda. Sörtük deý ýakymsyz hem göwnüýarym Aýdymdan guş sesi ýakyndyr köňle. Aýdymçy, men saňa ynanmaýaryn, Goý, sen zarynlaber, söýýän diý, iňle. Seleňligi, rahatlygy söýüne, Togap edip tolkunşyny maýsanyň, Agşam dolanamda toý dek öýüme Ýeňles aýdym däldir meniň küýsänim. Ýa-da durmuşyňa guwanyp, ine, Otyrkaň köňlüň çag, ýüregiň gorly, Goşulyşyp akar suwuň sesine, Diliňe gelmese, aýdym bolarmy?! Öz ýakyn zadyndan göwünler ürkmez, Bir günä bolandyr gatasa ýeňse. Heý, çydap bilermi aýdymhon türkmen Aýdym adamlaryň göwnüne degse. Mydam gezjek bolup aýdym sanynda Gülse, çygylsa-da ýalaňaç heňler, Bu çynlakaý adamlaryň ýanynda Güýmenje barynyň hallary teňdir. Mammetnazar BABANAZAROW. | |
|
√ Gökdepäm / Goşgular - 22.03.2024 |
√ Ýogaldy / Goşgular - 05.05.2024 |
√ Suwdan ot çykaran goşgy / Goşgular - 31.01.2024 |
√ Konfusiý / Goşgular - 13.05.2024 |
√ Perişan kalbyñ umydy / Goşgular - 01.01.2024 |
√ "Bagşylara" / Goşgular - 07.02.2024 |
√ Düýş hem ýagyş / Goşgular - 09.01.2024 |
√ Lenç edilen nakyl / Goşgular - 05.02.2024 |
√ Wiswisi lakamly obadaşymyň ömür beýany / Goşgular - 25.03.2024 |
√ Mähremlikden nyşan sen... / Goşgular - 08.05.2024 |
Teswirleriň ählisi: 3 | |||
| |||