Ätiýaç

ÄTIÝAÇ

Meň zaňňar dostlarym, aşyk dostlarym
Öz söýýän gyzlarna gül beripdirler.
Güller suwsuzlyga döz gelip bilmän,
Eýýäm haçan solup, sülleripdirler.

...Köpler hakykadyň tarapdary däl,
Ýalana çyn diýip ýaşamak bilen.
Mümkin senem "akdyr", "garaň" parhyny
bilýänem dälsiň.
Şoň üçin men bu gün seniň ýanyňa
(alňasap) barýan,
Ýasama güllerden bogduryp çemen.

Parahat BATYROW.