Главная » 2018 » Iýun » 16 » Ätiýaçlyk üçin tanyşlyk
22:39

Ätiýaçlyk üçin tanyşlyk

ÄTIÝAÇLYK ÜÇIN TANYŞLYK

Menden gorkmaň –
Ýüz-gözümiň gögünden,
Bulaşyk saçymdan, tüýlek çekgämden,
(Aý, tötänden bolaýandyr, elbetde!).
Endigime görä ygyp ýörün men,
Endigime görä çilim çekýärin,
Ýöne welin keýpim juda erbet däl.

Göwnüm ýuka. Özüm biraz öýkeçil.
Ýörmäň sypatyma daşdan gynanyp
Hemem maňa bakyp geçmäň gorkuly.
Nädeýin men: birmahallar keýp edip,
Melekleriň allaryna ynanyp,
Boş sözlere paýlapdyryn görkümi…

Menden gorkmaň!
Gorkmaň menden –
Tisginmäň!
Öňküler deý hoş sözüňiz gysganmaň!

Döwlet GARKYN
Goşgular
Категория: Goşgular | Просмотров: 874 | Добавил: Нawеran | Теги: Döwlet Garkyn | Рейтинг: 0.0/0
Awtoryň başga makalalary

Goşgular bölümiň başga makalalary


Teswirleriň ählisi: 2
0
1 Bagabat  
43
Irräk ýazylan öýdýän. Sebäp diýseň "bulaşyk saç" barada... tongue

0
2 Bagabat  
43
Priçoska barada bir henek bar: Günlerde bir gün Juma Ýazmyrat bilen dostlarynyň biri ilebelli suratçylaryň biriniň toýuna görünmäge barypdyr. Şonda Juma Ýazmyrat dostunyň gulagyna pyşyrdap, şol döwürde öwüp arşa çykarylýan adybelli suratçylaryň biriniň adyny tutupdyr-da, şonuň bilen tanyşmagy özüniň köpden bäri arzuw edýändigini aýdypdyr. Eger-de şol suratçy hem toýda bar bolsa ony özüne görkezmegi haýyş edipdir. Dosty oňa suratçyny görkezipdir. Seretseler, ine bir saçy orus güjüginiň salpy gulaklary ýaly çowlum-çowlum bolup, egnine düşüp duran şilliň uzyndan gelen, hor bir zatmyş ýaňky meşhur suratçy. Juma Ýazmyrat ýaňky tanyşmagy arzuw edip ýören suratçysyny synlapdyr-synlapdyr-da: "Bäh, pylan hudožnik diýseler kimkä, ölmänkäk bir görüp galaýsak diýip ýördüm welin, bü-ýä bir Hywa tarapyna inçeräk taýak sokaga-da tam hekläbermeli çotga çalymdaş bir zat ekeni" diýipdir.  biggrin

Teswiri diňe saýta agza bolan ulanjylar goşup bilýär.
[ Agza bol | Saýta gir ]