Главная » 2019 » Noýabr » 9 » ATSYZ GOŞGY
02:25

ATSYZ GOŞGY

ATSYZ GOŞGY

Hasapsyz zat bolmaýarmyş dünýede,
Çyn söýgiň üçinem bermeli jogap.
Ertire bakmaly, ýöne düýnde-de,
Bolanlygyň üçin etmeli togap.

Bolanlygyň üçin etmeli togap,
Ýakanlygyň üçin ýürekde yşgy.
Edenligiň üçin şeýlekin sogap,
Ýazanlygyň üçin ençeme goşgy.

Ýazanlygyň üçin ençeme goşgy,
Ýer alanyň üçin kalbyndan ýaryň.
Çekenligiň üçin abrsyz keşgi,
Ýaşamanyň üçin durmuşda ýarym.

* * *

Jigerme sünjüp hanjarňy,
Sogurman saklapjyk dursuň,
Beýle lezzet berýän bolsa,
Aýyrma ýerinde dursun.

Ahyr bir gün elleň ýadar,
Ana, şonda nätjek gülüm,
Bilmeseň özüm aýdaýyn,
Diliň bilen etgin zulum.

Ýöne, sözlerem gutarar,
Hak ajala sabyr berse,
Şonda Ezraýylny ibär,
Meniň düşen halym görse,
Näderin nebsiň agyrsa.
Goşgular
Категория: Goşgular | Просмотров: 577 | Добавил: Allanazаr | Теги: Allanazar Rejebow | Рейтинг: 5.0/3
Awtoryň başga makalalary

Goşgular bölümiň başga makalalary

√ Ýagşy niýetler / Goşgular - 08.01.2025
√ Ýaraly ýüregiň owazy / Goşgular - 22.01.2025
√ Bu köňlüm zowrakyn aldy bu gün bir gunça leb gülruh... / Goşgular - 06.01.2025
√ Ýa Biribar / Goşgular - 30.01.2025
√ Rubagylar / Goşgular - 10.01.2025
√ Hatty benewşe, haddy läle, zülpi reýhandyr... / Goşgular - 12.01.2025
√ "Ýene-de daň atdy..." / Goşgular - 01.01.2025
√ Dil pyrak odunda ýandy, galdy jan hijran era... / Goşgular - 12.01.2025
√ Men bir ýola... / Goşgular - 12.01.2025
√ Kowusnama: Bedew edinmek hakynda / Goşgular - 12.01.2025

Teswirleriň ählisi: 181 2 »
0
1 Allanazаr  
314
Seslenen bolmady welin...

0
2 Hаwеrаn  
245
Ses bermäge zat goymansyñ agam..

0
3 Hаwеrаn  
245
Dogrymy aýdaýyn agam, başky goýan goşgylaryñy gaýtalap gaýtalap okasamam o diýen bir ünsümi çekenokdy.

0
4 Hаwеrаn  
245
Soñky goýýanlaryñ at gaýtarym öñe saýlandy. Galamyñ ötgür bolsun, Allanazar aga.

0
5 Hаwеrаn  
245
Birinji topbak has gowy diýesim gelýä welin, ikinji topbak hem peslär ýaly däl, az bentde uz many beribilipsiñ. Soñky goşgularyñda duýgyny has güýçli berip bilýäñ.

0
6 Azat_Nurgeldi  
283
Gowy goşgylar ýöne ikinji goşga welin, ýöne gowy diýmän, ajaýyp diýesim gelýär. Meniň içki dünýäme gabat gelýär.

0
7 Azat_Nurgeldi  
283
Seslenýän ýok diýibä öýke kine etme. Bu saýtda kän syn ýazmaýan ekenler, ýöne ýagşydan, ýamandan seslenseler gowy bolaýjak ýaly welin. Ýagny kemiňi aýtsalar, düzeder ýaly.,arzylasalar höweslener ýaly :-)

0
8 Garaýolly  
27
Ynha, Allanazar shahyr bir postda biri-birinden zyyat iki goshgy yerleshdiripdir. Goshgylar, elbetde, kamil'doredilipdir. Liriki hahryman ynsan omruniñ duynuni, bugununi we ertirini biri-birine berk baglanshykly goz oñune getiryar. Mysal ucin, cyn soyginiñ, hakyky yhlasyñ duyni, bu guni bolmayar. Cyn soygi duyn kalpda kok urup, bu gun gol yayradyp, ertir, yagny gelejekde netijani-shirin hasylyny-miwesini berjegine berk ynanc doredyar. Shol ynanc ynsan omruniñ mazmunyny kesgitleyar. Cunki, duynuñe edilyan togap,shu gunuñ kalp rahatlygy seni ertiriñ razylyk bagtyna eltyar.

0
9 Garaýolly  
27
Shahyryñ ikinji goshgysy barada hem gaty gowy garayyshda.

0
10 Adamzat  
141
Goşgy gaty takaşyksyz, agyr okalýar.

0
11 Garaýolly  
27
Alña yalkasyn,uyam. Sag-salamat bol!

1
12 Hаwеrаn  
245
Azat aga, siz-ä eýýäm azy ýaran galamgär, bellik eder ýaly kem-köst goýañzok. Ýaşlara-da näme düýnki aýdyşym ýaly, saýty özümiz ýöredip duransoñ, eline-aýagyna kakyp durmajak bolýas, höwesini döwülmesin diýip. Siziñ ýaly agy-garany seljerýänleriñ arasynda düzeler giderler, kämilleşerler diýen umyt bk

0
13 Hаwеrаn  
245
*umyt bilen.

1
14 Hаwеrаn  
245
Emma teswir ýazmalaryna, bellik etmelerine saýta agza bolýan beyleki ýazyjy-şahyrlardan, awtorlardan garaşýas, olardanam ses-seda çykyberenok, sessizje okamagy makul bilýändirler-dä )) haysy bolanda-da janlary sag bolsun smile

0
15 Hаwеrаn  
245
Ýogsa, saýta diñe myhman bolup giryanleriñ sany-da gunde 100-den geçya.. yek-yarym bolmasa olaram seslenip baranoklar.

1-15 16-18
Teswiri diňe saýta agza bolan ulanjylar goşup bilýär.
[ Agza bol | Saýta gir ]