Aýallar

AÝALLAR

Bu gün dünýäñ hemme güli siziñki,
Hemme sözi, hemme dili siziñki.
Dünýä ýene näçe asyr ýaşasa,
Hemme aýy, hemme ýyly siziñki.

Dünýä döräp, gazal ýazylan bolsa,
Dünýä döräp, çeşme gazylan bolsa.
Barysy, barysy, bary siziñki,
Dünýä döräp çeşme gazylan bolsa,

Dünýä durup, ýene gazal ýazylar,
Dünýä durup, ýene çeşme gazylar
Barysy, barysy, bary siziñki. -
Dünýä durup, ýene aýdym düzüler.

Şu gün göwnüñizi awlamaly biz -
Başa goýup dünýä aýlamaly biz.
Buýuryñ: biz bu gün hyzmata taýýar!
Hyzmatlañ agryny saýlamaly biz.

Buýuryñ: daglary talhan edeli,
Ary-gylyç, Añy-galkan edeli.
Günüñ näzden dörändigi hak bolsa,
Aýy gulagñyza halka edeli.

Şu sözleri jar edýärin jahana,
Eşitsin dünýäde eşidip bilýän:
Baky diriligiñ hatyrasyna
Erkekler,
ör turuñ,
Aýallar gelýär!

Ökdem EMINOW,
Türkmenistanyñ halk ýazyjysy.