Bu gije külbäme geldi ol...

Bu gije külbäme geldi ol kuýaşym ýaşyryn,
Karnlarda gelmedi hergiz munuň dek giç-gurun.

Agzy dek dar, pursat wasly, weli hijri ýoly –
Ol muanbar saçy ýaňlyg hem garaňky hem uzyn.

Tä hyýaly aryzyň düşdi köňüle eý, kuýaş,
Boldy köňlüm bir ýanar od-u süňklerim odun.

Boldy köňlümde gereh hasrat, onuň dar agzyndan,
Bar meger jismim meniň dar-u köňül onda düwün.

Algaly janymy, hijrana howala kyldy ýar,
Goýma hijrana, ajal janymy al, Taňry üçin.

Serw dek kaddy pyrakynda pyganymdyr belent,
Gül kibi, ruhsary hijrinde ýaşymdyr lälegün.

Yşk ile diwanalykda bolmuşam sahypkemal,
Yşk ähli imdi Babyrny diýgeý, siz züfunun.