Bedewler

BEDEWLER

Külli türkmenleriň uçar ganaty,
Aslyny ahaldan alan bedewler.
Üstüne müneniň päli-niýeti,
Ýagşymy-ýamanmy bilen bedewler.

Toý-baýramda ýüpek ýaly daralan,
Suw ýerine maýa süýdi berilen,
Säher turup ataňdan soň görülen,
Ata-baba miras galan bedewler.

Waspyňyzy ile ýaýdy Mätaji,
Gerçek goç ýigitleň seriniň täji,.
Göroglyň golunda düýrme gylyjy,
Ganym sary ýüzün salan bedewler.

Ahal topragynyň gudraty kändir,
Görküňizi gören messi haýrandyr,
Owazaňyz ýedi yklyma ýaýrandyr,
Ýedi yklymdan arşa galan bedewler.

Seýran eden bu türkmeniň iline,
Nazar salsa döwlet dolan duluna,
Gara dutar bilen tylla nalyňa,
Gözi düşen ýüze sylar bedewler.

Geldi BÄŞIÝEW.