Bezemen lybas geýen ýigit hakynda hekaýat

BEZEMEN LYBAS GEÝEN ÝIGIT HAKYNDA HEKAÝAT

Bir baý ogly bardy, samsyk, nadandy,
Añy boşam bolsa, baýlygy kändi.

Bir gün täze lybas geýip egnine,
Müneçjim gojañka ugrady, ine.

"Daş-a sülgün ýaly bezemen weli,
Içi nähilikä? Barlap göreli..."

Diýip, goja kişi pikir öwürdi,
Ýańky ýigde oturmagy buýurdy.

Baý oglunyñ ýanda ähli zat nagt,
Yzyn üzmän ýañrap başlady ýigit.

Añmak kyn: gürrüñi näme hakynda,
It otlan dek, ugur-utga ýok gepinde.

Goja gury ýañramadan bez boldy,
Ahur oña şeýle diýip ýüzlendi:

"Ýagşy ýigit saña aýdaýyn şuny,
Zordan çatýañ iki sözüñ başyny.

Seniñ bu zer-zerbap bezemen geýmiñ,
Gizlänok boşlugñy, örtenok aýbyñ.

Gaýyk ugrukmaýar kürek bolmasa,
Sözler boş samandyr derek bolmasa.

Hernäçe gymmatly, bezemen lybas,
Seni nadanlykdan edenok halas.

Eger gabat gelse daşyñ hem içiñ,
Iñ eleşan adam boljakdygyñ çyn".

Terjime eden: Kakabaý GURBANMYRADOW.