Bilbilim

BILBILIM

N.Gulowyñ ýagty ýadygärligine

Tändi ýomut ýolnuñ äpet şahasy,
Bitiren işleriñ ýokdur bahasy,
Sungat äleminiñ bir adyl şasy,
Bu ýagty jahandan ötdüñ, bilbilim.

Joşup aýdyp "Aşyk Çañly" dessany,
Tirsegine galdyrardyñ hassany,
Lälezar çemenlik, bagy-bossany,
Ýüreklerde döredipdiñ, bilbilim.

Özboluşly ýoluñ dolup-daşypdy,
Göwün howalanyp, gaýnap-joşupdy,
Köpler owazyña owaz goşupdy,
Köp şägirtli, bir ussatdyñ, bilbilim.

Kalba ganat - aýdan süýji sözleriñ,
Ýañlanar, ilimde aýdym-sazlaryñ,
Armanymdyr sensiz geçen ýazlarym,
Göwünlerde güýç-kuwwatdyñ, bilbilim.

Heññamlar aýlanar, öter döwürler,
Barybir saña, çyn bagşy diýerler.
Mydam apalarlar, mydam söýerler,
Il-halkymda şan-şöhratdyñ, bilbilim.

Tatar ÜÝŞMEKOW.