Bir agyz söz

BIR AGYZ SÖZ

Bir agyz söz bu janyña dermandyr,
Bir agyz söz tükeniksiz armandyr,
Bir agyz söz başyñ göge ýetirer,
Bir agyz söz gaýgy-gama batyrar,
Bir agyz söz köñüllerde gül açar,
Bir agyz söz kepen donuñy biçer,
Bir agyz söz başlaryña täç bolar,
Bir agyz söz gözleriñe ýaş bolar,
Bir agyz söz gamly göwni şat eder,
Bir agyz söz şat bolany mat eder,
Bir agyz söz ýürek-bagryñ bagydyr,
Bir agyz söz ýürek-bagryñ dagydar,
Bir agyz söz Juma Gurdy güldürer,
Bir agyz söz gyzyl güli soldurar.

Jumagurt HOTJY.