Bir haty okap...

BIR HATY OKAP...

Ýene-de hat geldi ýazylşy tanyş,
"Ýalbarýaryn, hatalarmy bagyşla.
Maña agyr düşýär sensiz ýaşamak,
Dolangyn yzyña,
Kinäñi taşla"

Ýeri, indi näme jogap bereýin,
Ýürek heniz saña intizarmykan?
Men-ä bagyşlardym, ýöne
Söýgüniñ
Aly hezretleri bagyşlarmykan?

Yzyma gaýtmaga (dogrusy) gorkýan,
Kalbym unudylan peç deý sowapdyr.
...diñe oýunjaklar isleseñ oýnap,
Islemeseñ taşlap gidilýän zatdyr.

Rejep ARAZDURDYÝEW.