Bulut

BULUT

Ganat gerip gelýär bulut.
Jak-jak urup gülýär bulut.
Al asmanda, altyn täçli
Elegini elýär bulut.

Dürdäneler towsaklaşyp,
Üsti-üstüne müñläp düşüp,
Münderlenşip akyp barýar
Oýtak ýere bakan süýşüp.

Gögüñ ýüzün tutýar bulut,
Labyryny atýar bulut.
Gün tygyny gezän çagy
Gözden derrew ýitýär bulut.

Gara dere batan ýerden,
Çal bug göterilip birden,
Çogum-çogum gök iññeler,
Hüjüm edip galýar ýerden.

Ýazda ýagmyr ㅡ gerek bulut,
Ýere düşse ㅡ çörek bulut.
El ýalama gysyk bolsa,
Gelmän geçsin gurak bulut.

Gelsin bulut, jomartlasyn,
Teşne ýatan ýerler gansyn.
Güneş nurun dökýän ülkäm,
Gülläp, gülzarlyga dönsün!

Berdi KERBABAÝEW