Dag çeşmesi

DAG ÇEŞMESI

Ynha, bu gün gaýdyp geldim ýene men,
Bolup täsin mukamlaryñ teşnesi.
Kalbymyñ taryny çal sen gulaçlap,
Beýik dagyñ hüwdi sesli çeşmesi.

Bir owurt ber, keýik suwlan suwuñdan,
Damarymda tolkun atsyn melhemiñ.
Jomartlygña alkyş aýdyp göwünden,
Señ şanyña gazal aýtsyn ylhamym.

Göreçlerim görmez bolar, görmesem,
Kenarjygñy,
tolkunjygñy,
germiñi.
Meniñ üçin ýat ýurtlaryñ derýasam,
Tutup bilmez seniñ kiçjik ornuñy.

Päkize suwuña geldim salama,
Çar ýanyñda ýañlanyp dur guş sesi.
Seniñ kimin ýüreklere siñsedim,
Öz daglarmyñ şahyr göwün çeşmesi!

Amangeldi AMANOW.