11:59 Dertlerinden bu dünýäñ | |
|
Dertlerinden bu dünýäň kemeldi-de takatym, Käşgäm durman tersine aýlansa-da sagadym, Käşkem meni eltsemiş, çagalygmyň döwrune, Hemmeden zorly bolsa Däde janym göwnume. Nirä gitse äkidip düşürüpjik yzyna, Uklap galsam enäniň başym goýup dyzyna, Egnimdäki köýnegim birden maňa giň bolsa, Geýip ýören jalbarym bir görseň uzyn bolsa Nämedigin bilmesem ýene-de gaýgy-gussaň Şahadan üzüp ülje, şo durşuna ýuwutsam Käşkem iň uly gaýgym, kitap-depderim bolsa Bir owuç däne bilen, doýýan kepderim bolsa Käşkem ýene kemala, gülüp-oýnap ýetsedim Ünjä-iňkise batman, jahyl çykyp gezsedim Her gülene bermezdim bu ýüregeň erkini Güýz kimin saraltmazdym, gül meňzimi, görkümi Özgerer, seň bu dünýäň, özgerilse garaýyş Gaýtalanar müň gezek, bu buýsançly ýaşaýyş. Musa GYZYLJA, Eýranly türkmen şahyry. | |
|
| |
| √ Men bir ýola... / Goşgular - 12.01.2025 | |
| √ Dostum, arz et jemalyň, janymyz bolsun fereh... / Goşgular - 04.01.2025 | |
| √ Rubagylar / Goşgular - 10.01.2025 | |
| √ Kowusnama: Bedew edinmek hakynda / Goşgular - 12.01.2025 | |
| √ Dil pyrak odunda ýandy, galdy jan hijran era... / Goşgular - 12.01.2025 | |
| √ Ýaraly ýüregiň owazy / Goşgular - 22.01.2025 | |
| √ Hatty benewşe, haddy läle, zülpi reýhandyr... / Goşgular - 12.01.2025 | |
| √ Şaglawuk / Goşgular - 02.01.2025 | |
| √ Eýledi ýar meni dert ile awara, medet... / Goşgular - 12.01.2025 | |
| √ Bir dem ol dilber jemalyndan yrak olmak ne güýç... / Goşgular - 01.01.2025 | |
| Teswirleriň ählisi: 2 | |||
| |||
0
