Diýmedimmi saña: "Saýrama turaç!"

DIÝMEDIMMI SAÑA: "SAÝRAMA TURAÇ!"

(Azerbaýjan şahyry F.Mehtiden)

Sen näme, sen näme saýradyñ, turaç?!
Saýradyñ - soñuny saýmadyñ, turaç.
Namañy ýürekden okadyñ, turaç,
Oýatdyñ ýatany ukudan, turaç!
Namañ durlap gitdi dünýäñ howasyn,
Senem yzyn yzlap uçduñ owazyñ.
Maksadyñ ýetmekdi yzyndan sesiñ,
Ýöne ok ýetdi-dä yzyñdan seniñ.
Bilinmedi seniñ uçan-uçmanyñ,
Owazyñ özüñe bolup duşmanyñ...

* * *

Çynara bakyp bildim,
Beýikligin asmanyñ.

Ýyrtyp bulut perdesin,
Göterip durdy ony.

Kimkä çynary ýykyp,
Gögi golaý getiren?!

Seýitmämmet HYDYROW.

"Edebiýat we sungat" gazeti, 06.10.1989 ý.