Dünýäde şeýleräk adamlaram kän

DÜNÝÄDE ŞEÝLERÄK ADAMLARAM KÄN

Gürleşseň, akylly danadyr özi,
Durşuna öwütdir her gepi-sözi,
Edil kalby ýaly.ş, aýykdyr ýüzi,
Dünýäde şeýleräk adamlaram kän.

Hiç ýadaman söýgi sözün sözleýän,
Müň gözelden ýeke gyzy gözleýän,
Çyn söýginiň ýumagyny çözleýän,
Dünýäde şeýleräk adamlaram kän.

Seniň pyşyrdyňy uzakdan eşder,
Tämiz kalby, göýä nura meňzeşdir,
Başyňa iş düşse, saňa dertdeşdir,
Dünýäde şeýleräk adamlaram kän.

Haram baýlyk hakda ýada salmaýan,
Dogry ýoldan başga zady bilmeýän,
Gyşyk zat gözüne asla ilmeýän,
Dünýäde şeýleräk ädämlaram kän.

Hojarejep DAÑATAROW.