Duýmak

DUÝMAK

Gidip barýan,
Töwerek-daş çolardy,
Ümsüm ýollar ykrar edýär şahyry.
Heý, özüňi inkär edip bolarmy-
Seň barlygyň-
Meniň dünýäm ahyry.

Seň barlygyň-
Meniň dünýäm ahyry,
Kötel ýoly uçup geçdim sen diýip.
Şygyrlamda şeýda saýrap bagtymyň
Keşbin çekdim,
Ýürek yşgyňa uýup.

Goşgy dörärmi?!
Datmasaň durmusyň ajy tüssesin,
Goşgy dörärmi ?!
Ýuwutmasaň özgäň ünji-gussasyn
Goşgy dörärmi ?!

Gozgalaň tapmasaň dunýäň jeňinden,
Goşgy dörärmi ?!
Sen däl,
Durmuş geçip gitse deňiňden,
Goşgy dörärmi ?!

Aýgül PIRLIÝEWA.