Ene dili

ENE DILI

Goradyk biz ony ýagmyrdan, gardan,
Üýşüp oñ başyna ýylatdyk tümde.
Öwran-öwran jyda düşüp diýardan,
Ýetim deý galdy ol hasratly günde.

Nämähremler sansyz sapar döküldi...
Haýbatly şäherler gaplandy oda.
Kän gezek il-günüñ öýi ýykyldy,
Asgyryp turarmy kül bolan adam?

Diñe ol döretdi şeýle gudraty,
Söküp tokaýlary, batgalyklary.
Görgi baryn görüp, horlanyp gaty,
Ýygnady ýene-de dargan kökleri.

Sütem, açlyk, mergi - görüldi bary,
Gaflat ukusyna gaplandy zemin.
Bir ol aman galdy - il tenekary,
Ejirli halk galkdy semender kimin.

Soñ ol barha ösdi ýaýradyp goly,
Sanýetmez ýaşyny ýaşan dub deýin.
Kem-kem galkyberýär kalbyñ hyýaly,
Sözlände daýhanlar ýalaşyp lebin.

Zordan ýada düşýän gadym bir wagtda
Oñ sesi baglarda guş sazy bolan.
Gurlan çagy maña kiçjik höwürtge
Oñ sesi tolkunlañ owazy bolan.

Her sözi agzyñda erýär bal ýaly,
Şeýledi. Elmydam şeýle hen bolar.
Ölsemem, ol ölmez, meñzi gül ýaly,
Ölsemem, oñ bilen ömrüm uzalar.

Öwrüler zaman, döwür aýlanar,
Görkezip keşbini her gün, her aý, ýyl.
Bar synagdan geçip, hergiz ýañlanar
Aýap saklanymyz, bizi aýan dil.

Antanas WENSLOWA,
(Litwa).