Eneme

ENEME

Näçe ýakyn bolsaň-da sen ýanymda,
Ene janym, seň mähriňden doýma ýok.
Şygyrlamda, setirlemde, sözlemde
Eziz adyň dillerimden goýma ýok.

Dünýä hem gözeldir ejeli bolsaň,
Goja äleme-de eneler seýik,
Ynsan bolup beýik bolmak isleseň
Bolarsyň mydama eneňi söýüp.

Käbäm, sen hakynda näçe ýazsam az,
Roman, poema, kyssa-da ýazsam.
Armanym ýok, bu bäş günlik ömürde,
Seň edenleň ýüzden birin gaýtarsam.

Käbäm, hemişe-de şat ýylgyryp gez
Mähirli gözleňden nemler dammasyn.
Ýyllar näçe geçse-de sen garrama
Goý garrasa goja daglar garrasyn!

Bibigül ÝAGŞYMÄDOWA.

Surat: Maks Rentel / "Ene we agtygy"