Galkyn, herekete gel

GALKYN, HEREKETE GEL

Sen ýatyrsyñ! Durmuş geçýär, jan Watan!
Sen ýatyrsyñ! Bagt uçýar, jan Watan!
Bütin dünýä ösüp barýar geljege
Meniñ ýurdum, sensiñ gaflatda ýatan.

Gana suwsan nejis möjekler ygyp,
Gün düşmez tokaýyñ için daraýar.
Eý, Afrika! Gelmişege baş egip,
Haçana çen ýatjak? Oýan sen diýar!

Açgöz garga ganat kakýar üstüñde,
Ganat kakýar seni ýuwutjak bolup.
Oýan, Watan! Açgöz garga kastyñda
Ganat kakýar seni güm etjek bolup.

Oýan, Watan! Oýan, uklap ýatan gul!
Señ düýşüñde görýäñ dünýäñ ösüşin.
Oýan, Watan! Galkyn, herekete gel!
Eý, Afrika, oýan, tiz aýaga gal!

Ruý de NORONÝA,
Mozambik şahyry.

Rusçadan terjime eden Nury BAÝRAMOW.