Gelin

GELIN

Hiç kemligiň ýok boýuňda
Gözüm eglendi roýuňda
Bir aýdym aýtsam toýuňda
Çöküp öňde dyza gelin.

Waspyň etsem sözler bile
Synlap dursam gözler bile
Seýran etseň gyzlar bile
Meňzäp pasly ýaza gelin.

Al indi bu tenden jany
Kirpikleriň dökdi gany
Ömürlik däldir bu pany
Kerwen dönmez yza gelin.

Goýnuň jennetiň jaýydyr
Misli Züleýhaň taýydyr
Aşyk oglanyň paýydyr
Lebiň meňzäp köze gelin.

Özüň Lebabyň lälesi
Bir enäň körpe balasy
Men bolup yşk diwanasy
Adyň goşdum saza gelin.

Astanberdi JEPBAROW.