Gidäý ýadymdan

***
Mydamalyk gidäý meniň ýadymdan,
Goýma meni bir hajatsyz güýmenjä,
Ýatlamak döneni köňül şadyňdan,
Jezalaryň agyry hem eýmen-jä.

Mydamalyk gidäý meniň ýadymdan,
Gussaly bolmasyn goşgulam indi,
Aýrylamsoň saňa barýan badymdan,
Sensiz günleň şükri kalbyma siňdi.

Mydamalyk gidäý meniň ýadymdan,
Ikimizden dilgir usurgan tenim,
Suraty-ňam aýyr gözmüň ýadyndan,
Seni maňa ýatlatmasyn her demim.

Mydamalyk gidäý meniň ýadymdan,
Bu jebri-jepany sen maňa dözme,
Undaýyn döneni köňül şadymdan,
Solduran söýgüňi gülletsin özge.